Тәрбиешілерге арналған семинар - практикум «Ата-аналармен жұмыс жүргізудің инновациялық формалары»

Мақсаты: тәрбиеленушілердің ата-аналарымен өзара әрекеттестікті ұйымдастыру саласында педагогтардың кәсіби құзыреттілігін арттыру.
Міндеттері:
*  ата-аналармен өзара әрекеттесу мәселесі бойынша педагогтардың білімдерін нақтылау және жүйелеу;
*  ата-аналармен өзара әрекеттесудің жаңа формаларын ұйымдастыру бойынша педагогтардың кәсіби құзыреттілігін арттыру;
* мектепке дейінгі ұйымдарда ата-аналармен жұмыстың дәстүрлі емес формаларын қолдану негізі ретінде тәрбиешілердің педагогикалық ойлауын белсендіру, олардың шығармашылығы мен кәсіби белсенділігін дамытуға ықпал ету.

  Отбасы мен мектепке дейінгі ұйым – баланың әлеуметтенуіндегі екі маңызды әлеуметтік институт. Олардың тәрбиелік қызметтері әртүрлі болғанымен, оң нәтижелерге тек әртүрлі ынтымақтастық формаларын тиімді үйлестіру арқылы, сондай-ақ бұл жұмысқа мектепке дейінгі ұйым ұжымының барлық мүшелері мен тәрбиеленушілердің ата-аналарын белсенді түрде тарту арқылы ғана қол жеткізуге болады.
Жұмыстағы басты мақсат – ата-аналардың сенімі мен беделіне ие болу, отбасы мен мектепке дейінгі ұйымның бірлескен, келісілген іс-әрекетінің маңыздылығы мен қажеттілігін түсіндіру.